ZER DA WEB 2.0?

Kaixo irakurleok, gaur youtuben bideo bat topatu dugu, non, Web 2.0-a zer den azaltzen den.

Bideo honek dioenez, Web 2.0-rok ematen dituen abantailetako bat dokumentu batean pertsona bat baino gehiagok, momentu berean lan egin ahal izatea da. Hau egiteko googlek zerbitzu bat eskaintzen dizu, non, google docen barnean, create newen sartuz gero, document atalararen bidez pertsona bat baino gehiagok lan egin dezake momentu berean.

Honetaz gain, Web 2.0k beste zerbitzu mota batzuk eskaintzen dizkizu: bloga, wikis, bideoak sartzea.... Lehengoari dagokionez, blog bat dohain zabaldu dezakezu eta bertan idazten duzun guztia edozeinek ikus eta iruzkindu dezake. Bigarrenari dagokionez, wikipedian idatzita dagoena edonork irakurri dezake, baita argitartu ere.

Hasieran esan dugun bideoa hau da: http://www.youtube.com/watch?v=RFkYDUSAnIY&feature=player_embedded#%21

ARBELA INTERAKTIBOEN EZAUGARRIAK

Aurreko gaiarekin jarraituz, arbela mota hauek dituzten ezaugarri motak aipatuko dizkizuet, baliagarri suerta balitzaizkiguke irakasle garaian!

Hauexek dira ezaugarriak: erresoluzioa, eremu aktiboa, konexioak, erakuslea eta softwarea.
Aztertu ditzagun banan banan.

1.-Erresoluzioa: teknologia ezberdinen arabera, erresoluzioak ezberdinak izan daitezke, orokorrean, 65 eta 1000 lpp tarteko erresoluzioak eskaintzen dituzte. Zenbat eta hobeagoa izan arbelaren erresoluzioa, orduan eta hobeago izango da ere edozein irudiren kalitatea.

2.-Eremu aktiboa: arbela digitalaren marrazketa eremua da. Gune hau garbitzeko erraza den materialezkoa izan behar da.

3.-Konexioak: kable (USB, sarea), RJ 45 Kablea, Bluetooth edo irrati - frekuentzietan oinarritutako teknologiak.

4.-Erakuslea: arbela motaren arabera, behatzarekin, arkatz elektronikoarekin edota lehorraren ezabatzen diren errotuladoreekin idazteko aukera egongo da.

5.-Softwarea: arbel guztiek Windows 98, 2000, NT, ME, XP, Vista, V7, Linux eta Mac programekin lan egiteko softwarea dute barnean.

Arbela Interaktiboei buruzko informazio gehigarria izatearren, ondorengo orrialde honetan arbela hauek nola erabiltzen diren pausuz pausu azaltzen da.

http://www.ticvirtual.cl/pdigital/Archivos/Apunte_PD.pdf

Berriz ere, eta aprobetxatuz aurreko sarrerarekin oso erlazio estua duela, informazioa web orri beretik aterata dago.

ZER DIRA ETA ZERTARAKO BALIO DUTE ARBELA iNTERAKTIBOEK?

Aurreko Sarreran aipatzen den arbela digitalari buruzko informazioarekin jarraituz, Internetetik nabigatzen nenbilela, egokia iruditu zait hauei buruzko sarreratxo bat egitea. Arbela mota hori zer den eta zertarako balio duen azalduz.

ZER DA ARBELA INTERAKTIBOA?

Arbela hau, bideo proiektagailu batera konektaturiko ordenagailua da. Ordenagailu horren irudia gainazal liso eta zurrun batean proiektatzen da. Gainazal honetatik, ordenagailua kontrolatu, proiektaturiko irudi baten gainean oharrak idatzi, gorde, imprimatu, edota emailez bidaltzeko aukera izango dugu.

FUNTZIOA --> Gainazal horren bitartez ordenagailua kontrolatzea, boligrafo edota beste gailu baten bitartez.

NOLA ERABILTZEN DIRA ARBELA MOTA HAUEK?

Arbela interaktiboak ordenagailu eta proiektore bati konektatuta daude. Irakasleentzat oso baliagarria da ( aurreko sarreran aipatu dugun moduan ), honela, informazioa kontrolatu eta aldatu ahal duetelako, adibidez, puntero bat erabiliz. Sistema honen bidez, materiala gorde, imprimatu edota berrerabili daiteke.

Lehenengoz, ordenagailuan informazioa garatu egiten da, Ondoren, proiektadorera bidali eta arbelean islatzen da. Sistema honekin, irakasleek mota askotako edukiak irakatsi ditzakete, eta denbora errealean manipulatu daitezke. Adibidez, azpimarratuz, iruzkinak gehituz...

Informazio gehigarria nahi izanez gero, hurrengo linkak kontsulta ditzakezue:

http://www.slideshare.net/ogc4/arbela-digitala

Nuevas herramientas en el aula: pizarras digitales interactivas

Sarrera hau burutzeko erabilitako informazioa, web orri batetan topatutako ikerkuntza proiektu batetik aterata dago.

ANIMA DITZAGUN !!

"Promethean" arbela interaktiboak

Gaur, Internet-etik nenbiltzala arbela interaktiboei buruzko informazio interesgarria aurkitu dut CHISPAS TIC Y EDUCACION blogean. Bertan agertzen den artikuluaren atal interesgarrienak jarraian uzten dizkizuet, irakasle bezala gure eguneroko esperientzian arbela interaktiboek izan dezaketen eraginari buruz hausnartu dezazuen.

Promethean Ikerketa: arbela interaktiboarekin irakaskuntza-ikaskuntza prozesua eta oinarrizko gaitasunen lorpena errazten dugu

Bi eskola-kurtsoetan zehar, Promethean arbela interaktibodun Espainiako 22 irakaskuntza zentro "Promethean España 2008-2010" ikerketan parte hartu dute. Ikerketa hau Bartzelonako Unibertsitate Autonomoaren "Didaktika eta Multimedia" taldeak garatu du. Guztira, unibertsitate kanpoko esparruetako 80 irakaslek, maila anitzetakoak, zeinek beraien klase gehienetan PDIak erabiltzen dituzten, eta 3000 ikasle baino gehiagok parte hartu dute.

Ikerketa honen helburua PDIak ikasleen ikaskuntza prozesuan duten eragin positiboa egiaztatzea zen. Horretarako, irakasleak aurretik prestatzeko asmoz, formakuntza sistema bat martxan jarri zen, eskola bakoitzean bi kongresu eta bi seminario hartzen zituena.

Irakasleek gehien erabilitako metodologiak irakasle berak markaturikoak izan ziren (esposizio magistralak, sintesien eraiketa PDIez baliatuz,...). Hala ere, irkasleengan zentraturiko jarduerek garrantzia hartzen ari direla konprobatu zen (lanen aurkezpenak, ikaskideei gaiak azaltzea,...).

Oro har, irakasleek ondorengo abantailak nabaritu zituzten:

• Ikasleen arreta, motibazioa eta partehartzea handitzen da.
• Ikasleen memoria bisuala, gaien ulermena eta aurkezpenak egiteko zein argudiatzeko gaitasuna hobetzen da.
• Ordenagailuarekiko interakzioa errazten du eta idazten dena gorde eta errekuperatzeko aukera ematen du.
• Baliabide anitzak eskura jartzen dizkigu, eta irakasle eta ikasleen artean konpartitzeko aukera ematen digu.
• Ikasleen aniztasuna hobeto tratatzea ahalbidetzen du.
• Jarduera kolaboratiboak eta talde lana errazten du.

Ikaskuntzari dagokionez, nahiz eta irakasle gehienek ikasleen ikaskuntza hobetzen dela baieztatzen duten, ia erdiak esaten du beraien kalifikazioak ez direla hobetzen (gehienbat froga idatziak memoristikoak direlako). Dena dela, PDIak oinarrizko gaitasun batzuen lorpena errazten du: informazio digitala tratatzeko gaitasuna, ikasten ikasteko gaitasuna, hizkuntza-komunikaziorako gaitasuna eta norberaren autonomiarako eta ekimenerako gaitasuna.

Eta gainera, irakasleak zein ikasleak pozik daude; ikasleek PDIekin aritzea gustuko dutela eta haier esker gehiago ikasten dutela diote, eta irakasleek, berriz, PDIekin jarduerak egitea gustatzen zaiela diote, nahiz eta horrek lan gehiago suposatzen duen.

Kontuan hartu behar dugu irakaskuntza-ikaskuntza prozesuetan faktore askok eragiten dutela, eta ondorioz, ezin dugula ziurtatu PDIek hezkuntzan duten eragina zuzena denik, baina begibistakoa da behintzat emaitzak itxaropentsuak direla.

"TIC"-en abantailak eta desabantailak

Lorena Revuelta deituriko neska batek, teknologia berrien abantailak eta desabantailak ezagutzeko asmoz, kaleko jendeari galdetu zion ea gustoko dituzten teknologiak ala ez. Hauek izan ziren pertsona batzuen erantzun positiboak eta negatiboak ( hau da, abantailak eta desabantailak):

Abantailak

• Gustoko ditut era desberdin batean ikastea gustoko dudalako.
• Gustoko ditut ikasleen arreta erakartzen dutelako.
• Gustoko ditut informaziorako eskuragarritasuna errazten dutelako.
• Gustoko ditut, komunikatu ahal naizelako denbora eta lekua garrantziarik izan gabe.
• Gustoko ditut, irakaslearen zereginak errazten dituztelako.
• Gustoko ditut pertsonei laguntzen dietelako.
• Gustoko ditut autonomoagoak egiten gaituztelako.
• Gustoko ditut, lana etxetik egin dezakedalako.
• Gustoko ditut aurrerakuntza errazten dutelako.

Desabantailak

• Ez ditut gustoko pertsonak isolatzen dituztelako.
• Ez ditut gustoko maneiatzeko zailak direlako.
• Ez ditut gustoko, beti aurkitu ahal nautelako.
• Ez ditut gustoko dependentzia sortzen dutelako.
• Ez ditut gustoko, sedentarismoa bultzatzen duelako.
• Ez ditut gustoko, umeek jadanik ez dutelako kalean jolasten.
• Ez ditut gustoko kreatibitatea gutxitzen dutelako.
• Ez ditut gustoko ez daudelako guztien esku.

Hala ere, orokorrean, teknologia berrien abantailak oso onak dira; esan dezakegu aurrerakuntza ikaragarria izan dela eta oso tresna eraginkorra izan daitekeela ondo erabiltzen baditugu. Orokorrean pertsona guztiei onurak ekarri dizkiete askotan.

Hauek dituzten desabantailak aldiz, abantailak baino pisu gutxiago dutela esan daiteke. Gainera, horietako batzuk, gurasoek nahiz irakasleek bideratu ahal dituzte, hala nola, umeek ez isolatzea, kalean jolastea, teknologia hauen erabilpena irakastea…

(informazio hau, youtuben dagoen bideo batetik aterata dago; bideo horren linka hurrengo hauxe da: http://http://www.youtube.com/watch?v=iBFjodtduvU)

Zer dira eta zertarako balio dute "TIK" ak?

“TIK”-ak, bizi kalitatea hobetzeko asmoz, zerbitzu, sare, sofware eta aparatuen multzoa da. Hauen helburua hori da, bizi kalitatea hobetzea, pertsonen beharrak asetzen dituzten produktuen bidez.

TIK-ak, informazioa kudeatu eta leku batetik bestera bidaltzeko garatuta dauden teknologien multzoa dira. Hau da, era azkar eta eraginkor batean munduarekin komunikatzeko modua da.

Teknologia berriek zalaparta handia sortu dute gizartean, eta guztiz erlazionatuta daude eskola eta unibertsitateekin, irakaste eta ikas prozesurako era berriak aurkezten dituztelako. Hauek, hezkuntzan eskaintzen dituzte: informaziorako sarbide erraza, prozesu erraz eta fidagarriak, adierazpen eta sorkuntzarako bidea, errekurtso elkareragilea, etabar.

Tik hezigarriak honelako errekurtsoak dituzte: guztientzako posta elektronikoak, erakundezko foruak, tutoria birtualak, blog pertsonalizatuak, elkarte birtualak…

Laburbilduz:

Zalantzarik gabe, teknologia berriak gero eta hurbilago dauzkagu eta etengabeko aurrerakuntza batean gaude sartuta. Horregatik, ezinbestekoa da metodo berriak bilatzea eguneratuta edo gaurkotuta mantentzeko.

Horregatik ere, beharrezkoa da eskoletako geletan ikasleei irakasten ari zaien modua aldatzea edo gaurkotzea. Horren bidez, lor dezakegu ikasle eta irakasleek trebetasun berriak eskuratzea, hauen bidez gizartearen etengabeko aldaketak hobeto prozesatu ahal izateko.

(sarrera hau egiteko youtubeko bi bideoetan oinarritu naiz; bideo horien linkak hauek dira: http://http//www.youtube.com/watch?v=X7bHBYjh8Z8&feature=related http://http//www.youtube.com/watch?v=5ZW-oKp9olI&feature=fvw )

Zergatik sartu TIK baliabideak eskolan?

Umeek era desberditan ikasten dute: era logiko, espazial, intrapertsonal, musikal edo era naturalista batean. Baina batez ere, era digitalaren tresnak erabiliz ikasten dute. Bideo jokuetara jolasten dute (wii, xbox, Nintendo…), Google-en bilatzen dute informazioa, sare sozialak erabiltzen dituzte (Facebook, Myspace, Tuenti…), interneten bideoak ikusten dituzte (Youtube…), mugikorren bidez komunikatzen dira, etabar.

Teknologia berri hauek erabiltzen dituzte, berritasunagatik, berehalakotasunagatik, merketasunagatik, pertsonalizazioagatik, modagatik, sozializazioagatik…

Gaur egungo gazteak, mundu digital batean jaio ziren eta eratzea, diseinatzea, kontsumitzea eta konpartitzea espero dute.

Teknologia berriak gero eta azkartasun handiagoz ari dira berritzen. Gizartean dagoen faktore garrantzitsu bat da eta kontuan izan behar dugu, hauek eragin handia dutela gazteengan.

Eskola gizartearekin erabat erlazionatuta dagoenez, eskolan teknologia berriak erabili eta ikasleen ikasteko metodologian aplikatu behar dira.

(informazio hau guztia youtuben dagoen bideo batetik aterata dago; bideo horren linka: http://http://www.youtube.com/watch?v=078icPoZC8c&feature=related )

Blog-aren helburua

Blog honen helburua hezkuntzan TIC baliabideak nola erabili daitezkeen erakustea da, hots, hezkuntzari aplikaturiko informazio- eta komunikazio-teknologiak nola erabili.

Hori lortzeko, blog honetan gai honi buruzko informazio berriztua agertzen joango zaizue, bide desberdinetatik aterata. Horretarako, hainbat plataforma erabiliko ditugu, adibidez, bideoak, artikuluak, argazkiak...

Beste alde batetik, blog honetako atal batean honekin loturiko web-orri batzuen link-ak jarri ditugu, informazioa errazteko.

KaIxO iRaKuRlEoK!

Hezkuntza Eta Gehiago blog honen egileak Ainhize, Untzizu, Alazne eta Esti gara. Bilboko Irakasleen Eskolako Lehen Hezkuntzako hirugarren mailan gaude, "Hezkuntzari Aplikaturiko Teknologia Berriak" ikasten.

Espero dugu blog honen eraketa baliogarri suertatzea gure etorkizun batean, irakasle bezala arituko garenean, errekurtso gehiago izateko eta egoera anitzei aurre egiten jakiteko, eta baita zuei ere.